Претседателот на француската фудбалска федерација, Ноел Ле Гре, уште не зазел дефинитивна позиција во врска со идејата на ФИФА да организира светски првенства на секои две години. Тој не е ниту против, ниту ја поддржува идејата на Арсен Венгер.
„Лично јас не сум против, но истотака и нема на слепо да ја поддржам идејата. Важно е да дознаам дали тој проект ќе помогне, или ќе ја навреди француската фудбалска федерација“ – изјави Ле Гре.
Тој додаде дека ќе го поддржи предлогот за мундијали на секои две години, но во женскиот фудбал, и смета дека Мундијалите треба да се играат во зимскиот период.
ФИФА сака повеќе земји да добијат шанса да се најдат на СП, и затоа од 2026 година, планира бројот на учесници од 32, да го зголеми на 48. Најголеми противници на идејата се во Европа и Јужна Америка, но тоа се само 65 гласа од можни 211 кои во декември на Конгресот на ФИФА ќе одлучуваат дали ќе има СП на секои две години.
