Ливерпул со пресврт го победи Лестер на домашен терен со 3-1, а еден од стрелците беше и младата ѕвезда на „црвените“, Кертис Џонс. 24-годишниот фудбалер потекнува од академијата на Ливерпул, а шанса да дебитира за првата екипа имаше под водство на Јирген Клоп.
После натпреварот добил порака токму од германскиот тренер, но воопшто не знаел што сака да каже Јирген Клоп и за што му честита. Мечот против Лестер е јубилеен, 100-ти за Џонс во дресот на Ливерпул и токму тоа била причината за честитката од Германецот.
„Јирген ми кажа. Бев во соблекувалната, разговарав со соиграчите и го погледнав мобилниот. Обично им испаѓам пораки на семејството, но тогаш ја видов пораката на Клоп во која пишуваше: ‘Ти честитам за 100-тиот натпревар, ти посакувам да дојдеш до 500’ или така нешто слично. Си помислив што мисли со ова 100? Но тогаш проверив на Инстаграм и сфатив дека тоа е мојот 100-ти натпревар во Премиер лигата. Горд сум, апсолутно горд. Пораката е на Инстаграм, па можете и сами да видите. Тој е прекрасен човек, се уште го сакаме, тој ја изгради оваа екипа. Темелите ги постави тој, а Слот само продолжи во ист правец.“ – вели Џонс.
