Шампионот на Англија, Манчестер сити лесно го елиминира четвртолигашот Свиндон во рамките на ФА купот во прекрасна атмосфера на „Каунти Граунд“ во Свиндон.
Фаворитот победи со 4:1, но главен момент на мечот беше голот на домашната екипа во 78. минута кога Хари Мекирди ја затресе мрежата на Манчестер сити.
Домаќините намалија на 1:3, а околу 15 илјади публика и играчите на Свиндон се радуваа како да го победиле шампионот.
Головите за Сити ги постигнаа Бернардо Силва, Габриел Жезус, Илкај Гундоган и Кол Палмер.
Гостите промашија и пенал во 62. минута кога Жезус беше непрецизен од белата точка.
Манчестер сити е првата екипа што се пласираше во 1/16-финалето на националниот куп на Англија.
