Романија и Србија одиграа без голови во меч од Ц сегментот во Лига на нации. Гостите се тие кои може да жалат за победата, бидејќи промашија пенал во 45 минута. Душан Тадиќ шутираше толку непрецизно, што дури голот на Романија да беше долг 10 метри, повторно ќе беше непрецизен.
Во таа ситуација кога беше досуден пенал за гостите, Романија остана и со фудбалер помалку пораду црвениот картон на Тамас. Во второто полувреме Србите постојано напаѓаа, создаваа шанси, но залудно, бидејќи не успеаа да постигнат гол.
По овој меч Србија има 8 бода од 4 меча, Романија е со 6 бодови од 4 средби, додека Црна Гора со 4 бода од три меча има шанси да се искачи на второто место, доколку вечерва слави на гости кај Литванија која нема поени по три дуели.
