Во модерниот фудбал сè потешко е да се издвојат моменти коишто се за паметење и се вредни за зачувување.
А едни од ретките се и навивачите на Борусија Дортмунд, коишто денеска на „Вестфален“ ќе бидат 25 илјади на број да го проследат натпреварот на нивниот тим до 19 години против Атлетико Мадрид во четврт-финалето од младинската Лига на шампиони.
Средбата којашто е закажана за 16:30 часот првично требаше да се одигра на тренинг кампот на Борусија, но навивачите со раководството успеаја да издејствуваат и оваа средба да се игра на легендарниот стадион.
Покрај тоа, челниците на Борусија одлучија сите што купиле карти, парите ќе им бидат вратени и практично оваа средба можат да ја проследат бесплатно.
