Босанскиот репрезентативец Анел Ахмедхоџиќ е нов играч на Шефилд јунајтед. За трансферот на Ахмедхоџиќ, тимот од Чемпионшип во Англија ќе исплати три милиони евра на контото на шведскиот Малме.
Овој трансфер го најави и доброинформираниот новинар Фабрицијо Романо, кој објави дека Шефилд ќе биде новиот клуб на Анел Ахмедхоџиќ и дека се чека само комплетирање на трансферот. Романо во својата објава не потенцираше дека се работи за Шефилд јунајтед, па тоа беше доволно за најстариот клуб во Англија, Шефилд, фудбалски клуб да се јави со една шега.
ФК Шефилд е формиран во далечната 1857 година и сега игра во аматерските лиги, па секако нема шанси да плати три милиони евра за еден трансфер.
„Големо засилување за нас и воодушевени сме што Малме прифати да им исплаќаме по 10 фунти неделно во следните 5.750 години“, стои во шеговитиот твит на аматерскиот Шефилд.
A great signing for us and amazed to hear that @Malmo_FF have accepted for the transfer fee to be paid at £10 a week over the next 5,750 years.
https://t.co/RHkC1g3YIs
— Sheffield Football Club (@sheffieldfc) July 6, 2022
