Младиот дефанзивец на Вест хем, Деклан Рајс, се одлучи да игра за репрезентацијата на Англија. Дваесетгодишниот фудбалер ќе ги брани боите на „Гордиот Албион“, и покрај тоа што претходно ги помина сите младински селекции на Република Ирска.
Рајс има запишано и три настапи за сениорската репрезентација на Ирска, меѓутоа само на средби од пријателски карактер. Токму затоа имаше можност да донесе конечна одлука за која земја ќе настапува. Тој е роден во Лондон, но има корени од Ирска, па истакна дека не му било лесно да се одлучи.
Рајс сезонава е стандарден првотимец кај Мануел Пелегрини, а веќе има запишано 59 официјални настапи во дресот на „чеканите“. Со добрите партии Рајс стана трансфер желба на екипите од англиската „шестка“, а допрва ќе се создава трансфер сага околу идната англиска ѕвезда во подем.
