Спортманија во Сан Марино, Трајан Маневски
Македонскиот претставник во квалификациите за Конференциската лига, Вардар, веќе се наоѓа во Сан Марино, каде што в четврток ќе го одигра реванш натпреварот од првото квалификациско коло против Ла Фиорита. Црвено-црните ја оправдаа улогата на фаворити на првиот меч во Скопје, каде што славеа убедливо со 3-0.
Пред возвратниот натпревар свое мислење изнесе голманот Давор Талевски, кој подвлече дека екипата и овојпат ќе атакува на победа.
„На дуелот гледаме како на нов почеток. Победата од првиот меч е само дополнителна мотивација да одиграме уште подобро во четврток и да го завериме пласманот понатаму. Станува збор за европски натпревари, каде нема простор за потценување – без разлика против кого играме, мораме да бидеме максимално фокусирани. Сега сме во Сан Марино и целото наше внимание е насочено кон Ла Фиорита. Ќе дадеме сè од себе за да ја исполниме зацртаната цел“, изјави Талевски.
Натпреварот Ла Фиорита – Вардар се игра во четврток, со почеток од 21 часот.
