Фудбалерот на турскиот прволигаш Хатајспор, Кристијан Атсу, официјално е загинат во земјотресот кој пред речиси две недели се случи во областа меѓу границата на Турција и Сирија.
Репрезентативецот на Гана, само неколку часа пред да се случи земјотресот донесе голема радост на навивачите на Хатајспор, постигнувајќи го единствениот гол за победа во првенствен меч против Касимпаша.
По славјето за таа победа, Атсу заминал дома да спие, а во 4 часот наутро се случи разорниот земјотрес со силина од 7,8 степени според Рихтер, во кој се сруши и зградата на Атсу.
BREAKING: Christian Atsu’s agent has confirmed ‘Atsu has been found dead’ pic.twitter.com/ASlLgRjxS3
— YabaLeftOnline (@yabaleftonline) February 18, 2023
Атсу имаше 31 година, а освен во Хатај, кариерата ја градеше и во славните Порто, Челзи, Њукасл, како и неколку други помалку познати клубови.
Во Турција пристигна на почетокот на оваа сезона, а само неколку дена пред земјотресот, планирал да го напушти Хатај и тоа вечерта пред да се случи катастрофата. Сепак, погодокот кој го постигнал за победа на неговиот тим, го предомислило да остане во градот, а тоа се покажало како кобно на крајот.
