Фудбалскиот клуб Киево од Верона ќе постои само уште неколку денови. Симпатичниот клуб кој додека се натпреваруваше во Серија А, во својот врв беше незгоден ривал за сите фаворити, а пред 15 години, дојде и на чекор од пласман во Лигата на шампионите кога испадна од Левски во плејофот, беше исфрлен од Серија Б, и не му се дозволува ниту да тргне од најнискиот ранг, Серија Д.
Поранешниот капитен на Летечките магариња, Серџо Пелисие, се бореше да најде инвеститори за спас на клубот и откуп на името, но не успеа. Иако има рок до 24-ти август да го направи тоа, Пелисие крева раце и напиша емотивна порака.
Киево е ставен под административна контрола откако претседателот Лука Кампедели со години не плаќал данок. Пелисие кој играше за Киево од 2001 до 2019 година, и градоначалникот на Верона се обидоа да го рестартираат тиот под името Киево 1929. Не успеаја, и тука за жал, приказната завршува.
