Шпанскиот фудбалер од Манчестер сити, Родри, официјално беше прогласен за најдобар во 2024 откако првпат ја освои Златната топка, но тој веќе неколку месеци е надвор од терените поради повреда на коленото.
Сега за првпат во јавноста се појавија фотографии од неговото колено по повредата, а очекувањата се дека на фудбалските терени ќе се врати дури налето и ќе биде дел од подготовките на Манчестер сити за следната сезона.
Родри само една недела пред повредата предупреди дека сезоната е пренапорна и побара намалување на бројот на натпревари. Шпанецот, кој пред да потпише за Сити играше и за Виљареал и Атлетико Мадрид, минатата сезона одигра 50 натпревари за клубот и осум за репрезентацијата.
