Шокантни вести доаѓаат од Индија. Дваесет и петгодишната тенисерка Радика Јадав трагично го загуби животот откако, според полицијата, била убиена од сопствениот татко и тоа додека подготвувала појадок.
Дипак Јадав, нејзиниот татко, испукал пет куршуми од својот револвер, од кои три ја погодиле Радика во грбот. И покрај брзата реакција на нејзиниот чичко и братучед кои итно ја однеле во болница, лекарите можеле само да ја прогласат за мртва.
Полицијата го приведе Дипак, кој го призна злосторството. Според официјалните извештаи, таткото бил под голем ментален притисок, депресивен и засрамен поради коментарите на соседите што го задевале, бидејќи живеел од заработката и успехот на неговата ќерка.
Tennis Star’s Father Owned Multiple Properties, Made Rs 17 Lakh A Month https://t.co/1R3Jr4xIVS pic.twitter.com/yWFr3vQ6oj
— NDTV (@ndtv) July 11, 2025
Ситуацијата ескалираше кога Радика го одби неговото барање да ја затвори тениската академија што неодамна ја отвори. Тој аргумент, очигледно, беше причина за трагичниот исход.
Полицијата заплени оружје и собра докази на лице место, а Дипак Јадав беше обвинет за убиство и нелегално поседување оружје.
Радика Јадав беше перспективна тенисерка со бројни успеси на национално ниво и се сметаше за исклучително перспективна млада спортистка во индиската спортска заедница.
