Петте победи во низа на Црвена ѕвезда во Евролигата завршија со тесен пораз од Макаби Тел Авив. Во пеколот на „Александар Николиќ“ во Белград, израелскиот тим покажа карактер во клучните моменти и замина со победа од 82-83.
Црвено-белите ја контролираа третата четвртина и го презедоа водството, но во последната делница потфрлија, а неколку нереализирани шутеви во завршницата беа кобни и го означија триумфот на гостите.
Возбудливо беше и во Франција. Асвел доцна се разбуди и загуби од Милано со 76-77 во неизвесен финиш. Најубедлив настап вечерва прикажа Олимпијакос, кој пред својата публика го декласира Виртус Болоња со 109-77.
Анадолу Ефес го отвори денот со убедлив триумф над Жалгирис (92-82), остварувајќи го вториот триумф по ред и осмиот во сезоната.
