Навивачите на бразилскиот гигант Гремио направија лом и го оштетија стадионот во Порто Алегре по поразот на нивниот омилен тим против Палмеирас вчеравечер со 1:3.
На насилен начин и со хулиганска постапка дел од навивачите на клубот што постои 118 години ги предупредија играчите дека се незадоволни и дека клубот не смее да испадне од Првата бразилска лига.
Torcedores do Grêmio invadem o campo da Arena após a derrota para o Palmeiras e provocam quebra-quebra em campo. Confusão toma também as arquibancadas. pic.twitter.com/D9fOYmmXgO
— ge (@geglobo) October 31, 2021
Гремио моментно е на претпоследното место со 26 бода, 7 помалку од позициите што носат спас и опстанок во елитата, а единствено што е добро во исклучително лошата сезона е што имаат два заостанати натпревари.
Гремио е реномиран клуб со долгогодишна фудбалска традиција и има две титули во Бразил и дури три пехари во Копа Либертадорес. Последен пат Лигата на шампионите на Јужна Америка ја освоија во 2017 година, но сега се во очајна позиција и бијат битка за опстанок во Првата лига.
