Денеска на терените на тенискиот гренслем турнир Вимблдон се случи голем скандал, во една спорна ситуација на мечот Анастасија Пављученкова – Сонај Картал, електронскиот систем „се расипа“ и не го регистрираше очигледниот аут.
Руската тенисерка требаше да го освои поенот при гејм топка и водство од 4-4, но електронскиот систем на Вимблдон се расипа и не го регистрираше чистиот аут на Картал. Судијата на крајот одлучи да го повтори поенот. Картал на крајот направи брејк и поведе со 5-4.
Оштетената Пављученкова му викаше на судијата: „Ми го украдовте гејмот“.
Судијата одговори: „Морам да му верувам на системот. Нема што да се направиме такви се правилата“.
Пављученкова со солзи во очите повторуваше дека гејмот е украден.
Ова беше сериозна грешка што можеше да има огромно влијание врз целиот натпревар, но тоа не се случи. Правдата сепак беше задоволена и на крај Русинката ги освои и првиот и вториот сет, и се пласираше во следната рунда.
The ELC system did not call an obvious out after a shot by Kartal. After a temporary issue with the system, the decision was made to… replay the point. Had the point been awarded to Anastasia, it would have been 5–4 for Pavlyuchenkova. Ultimately, Anastasia was broken…. pic.twitter.com/kvCcy9C3eJ
— Lisa 🧚🏻♀️ (@lisa_talking_) July 6, 2025
