Пол Погба ќе мора да оди на операција на повреденото десно колено, што ќе значи пауза од најмалку два месеца и пропуштање на стартот на сезоната во Серија А.
Играчот што ги израдува навивачите на Старата дама со кам-бекот ова лето сега донесе лоши вести за црно-белите од Торино.
Во Јувентус се надеваа дека повредата на еден од тренинзите не е сериозна, но дополнителните прегледи велат дека ќе мора да оди на операција на коленото.
Погба е со Јувентус на американската турнеја, но нема да игра ноќеска против Барселона и е најавено дека ќе се врати во Торино.
Ако сè биде в ред, се очекува Погба да се врати на фудбалските терени во октомври.
