Екипата на ТФТ го совлада МЗТ Скопје Аеродром со 75-70 во дербито на колото во кошаркарската Прва лига, и овој меч потврди дека Металците имаат големи проблеми сезонава.
Говенс со 24 поени и Зафиров со дабл-дабл од 10 поени и 10 скока, беа најзабележителни кај Црно-белите од скопската населба Тафталиџе.
После оваа голема победа, ТФТ останува со само еден пораз сезонава. За МЗТ ова е веќе трети пораз на домашна сцена, а разочараа и во регионалната АБА 2 лига каде останаа без место во плејофот.
