Се појавија снимки од соблекувалната на француската репрезентација за време на полувремето од финалето против Аргентина на СП во Катар.
Овие снимки покажуваат дека селекторот Дидие Дешан и ѕвездата Килијан Мбапе биле многу лути и незадоволни, што е разбираливо, со оглед на тоа дека Аргентина водеше со 2-0, а Франција немаше ниту еден шут кон противничкиот гол.
Дешан направи двојна измена уште пред полувремето, кога ги извади од игра Оливие Жиру и Усман Дембеле.
„Момци, ајде без навреди. Сфаќате ли каква е разликата? Тие играат на ова еб.но финале, а ние – не!”, вели Дешан, по што удира по масата.
„Не сум задоволен, но имаме силен карактер. Требва да веруваме до крај, сешто може да се случи”, додал селекторот.
И Килијан Мбапе се обидел да ги мотивира соиграчите.
„Полошо од ова не може да биде. Нема да им дозволиме да играат на ист начин, тоа би било глупаво. Ова е финале на Светско првенство, може да се случи еднаш во четири години. Мора да влегуваме во дуели, можеме да се вратиме“, вели Мбапе, а во тоа време Дешан молчи и нервозно шета низ соблекувалната.
https://twitter.com/i/status/1605329220858699776
