Екипата на Тиквеш стигна до многу важна победа откако со 3:0 славеше на гости во Струмица против тимот на Брера, во меч од 15 коло на Прва фудбалска лига на Македонија. Ова беше дуел на две екипи кои се во долнуиот дел од табелата и се борат за опстанок, а Тиквеш со овој триумф сега ја прескокна Брера на табелата. Кавадарчани имаат 18 бодови и се на седмото место, додека Брера сега е осмопласирана и остана на 16 бодови.
Победата на гостите беше најавена уште во првото полувреме кога Иван Ивановски во 14 минута погоди за водство на Тиквеш од 1:0. Гостите на полувреме заминаа со два погодоци позитива, откако Мартин Стојанов во 35 минута втор пат го матираше голманот на Брера.
Сите дилеми околу победникот беа решени во 77 минута кога Стојанов со својот втор погодок, а трет за Брера ги постави конечните 3:0.
