21.8 C
Skopje
сабота, 30 август 2025

Тим од четврта лига во Англија има повеќе гледачи од тоа што има на стадионите во Саудиска Арабија

Фудбалската ренесанса која во 2023 година се случува во Саудиска Арабија е нешто што никој не можеше да го претпостави пред само една година. Кристијано Роналдо беше првата суперѕвезда која реши да си замине од Манчестер јунајтед и потпиша за Ал Наср.

По Роналдо, се охрабрија и многу други играчи да заиграат во ова непопуларно фудбалско првенство, па тука пристигнаа докажани играчи како Карим Бензема, Нејмар, Садио Мане и многу други.
И покрај големито број на ѕвезди, трибините на стадионите не се полни. Според досегашната пресметка, средбите во првенството на Саудиска Арабија во просек ги следат 8.500 гледачи. Тоа е за 24 отсто зголемена гледаност во однос на минатата сезона, но сепак е под просекот на публика што сезонава ја има англискиот четвртолигаш Врексам. Овој англиски клуб до лани играше во петата лига, а сега во четвртото по ранг натпреварување во Англија, има повеќе публика од тоа што има на мечевите каде има суперѕвезди како Роналдо, Бензема, Нејмар…

Колку за споредба, во Премиерлигата и германската Бундеслига сезонава во просек има преку 40.000  гледачи, што е речиси пет пати повеќе од просекот на публика што ја има на фудбалските дуели во Саудиска Арабија.

- Оглас -

Најнови вести