Во Шпанија речиси секогаш борбата за титулата е неизвесна до самиот крај, па така се очекува да биде и овојпат. Викендов се игра 23-тото коло, а иако ќе останат уште 15 кола до крајот, една работа уште од сега е јасна.
Елче е екипата која е најслаба и само чудо треба да се случи за да се спаси од испаѓање. Фенерџијата во Примера дивисион сезонава освои само девет бодови и има 13 помалку од Хетафе, кој е прв надвор од зоната за испаѓање.
На синоќешниот дуел, Елче на домашен терен водеше со 2:0 против Бетис, а во вториот дел се случи пресврт. најпрво црвен картон доби Магаљан, па следуваа два гола за Бетис за 2:2. Во 94 минута, црвен картон заработи и Роко, а гостите погодија од пенал за победа од 3:2.
По овој резултат, Елче остана со само девет бодови, а со двата црвени картони, стигнаа до бројката од 11 исклучувања сезонава. Тоа е единствениот тим во Топ 5 лигите кој сезонава има повеќе црвени картони од освоени бодови, а да има веќе одиграно 23 натпреввари.
