Борусија Дортмунд победи на гостувањето кај Фрајбург, во меч кој важеше за дерби во во Бундеслигата. Борусија имаше два порази на последните две гостувања кај овој ривал, а ни вечерва не започна добро.
Фрајбург поведе со голот на Грегориц и оваа предност ја имаа до 15-тина минути пред крајот. Финишот им припадна на гостите, кои најпрво израмнија во 77 минута преку Бино-Гитенс, а потоа со головите на Мукоко и Волф направија и комплетен пресврт за победа од 3:1.
Интересно е тоа дека сите тројца кои погодија за гостите се играчи кои влегоа во игра како резерви во второто полувреме, а двајца се играчи кои треба да бидат иднина на клубот. Бино-Гитенс кој израмни на 1:1 има 18 години, додека Мукоко има само 17 години.