По вчерашниот ден, кога сите предлози и квоти на денот од SPORT LIFE беа погодени, и денеска се нудат интересни мечеви кои не треба да се заобиколат при пополнувањето на ливчињата. Издвојуваме пет натпревари за овој петок, кој е најава за богат викенд.
Галатасарај – Фенербахче (19 часот)
Домашните се фаворити на хартија, но ова е дерби во кое и цврстината на нервите игра голема улога. Галатасарај три кола по ред нема победа, одамна не постигнале повеќе од еден гол, а дуелот со вечниот ривал е шанса да се извадат кај своите фанови. Седум од последните осум меѓусебни дуели завршија 0-2 гола, а на последните два меча воопшто немаше голови, но веруваме дека вечер на „Турк Телеком“ нема да биде така.
Предлог тип: 1Х & 2-4 (2.10)
Наполи – Емполи (20.30 часот)
Наполи има убава прилика да се искачи на второто место. Емполи е во зоната на испаѓање и во десет кола има само 6 бода (победи само во првото коло). Наполи ги доби последните три пресметки против Емполи, а на последните шест секогаш даваше барем два гола.
Предлог тип: 1-1& 2-5 (2.50)
ПСЖ – Лил (20.45 часот)
Парижаните се на пат да соборат рекорди во француската лига. Ги добија сите 11 меча досега, дома имаат гол-разлика 24-2, а само на последните два меча пред своја публика постигнаа десет гола. Лил е второпласиран и според тоа, ова е големо дерби. Но, предноста во квалитет е на страна на ПСЖ, кој ако слави, ќе отиде на плус 11 бода разлика. Лил не победил против ПСЖ од 2012 година.
Предлог тип: Т1 1+I& T1 3+ (2.00)
Штутгарт – Ајнтрахт (20.30 часот)
Штутгарт е последен на табелата, на последните три меча даде еден, а прими 11 гола. Тимот од Франкфурт минатото коло ремизираше и му заврши низата од шест победи по ред во сите натпреварувања. Традицијата е на страна на домашните, а на 10 од последните 11 меѓусебни дуели, двата тима даваа гол.
Предлог тип: ГГ (1.71)
Бенфика – Мореиренсе (21.30 часот)
Тука „единицата“ се подразбира, но бидејќи коефициентот е мал, треба да се искомбинира со уште нешто, а нашиот предлог е 3+. Ова се тимови кои ретко играат нерешено. Бенфика мора да нападне со сите сили, бидејќи по киксот против Белененсеш, заостанува еден бод зад Порто и Брага. За неефикасниот Мореиренсе, успех би било ако даде почесен гол.
Предлог тип: 1 & 3+ (1.50)
