Нико Ковач најверојатно ќе биде разрешен од функцијата тренер на Баерн Минхен и на негово место ќе дојдат актуелниот тренер на Ајакс, Ерик тен Хаг, или Марк ван Бомел, кој го води ПСВ, најавуваат некои медиуми. Дури и ако Ковач во последното коло не загуби од Ајнтрахт и сепак освои титула во Бундеслигата, па и двојна круна (треба да играат и финале на Купот на Германија против Лајпциг), сепак нема да остане кај Баварците.
Веста за разделбата на Масимилијано Алегри со Јувентус е официјализирана, а шпекулации за менување тренер има и за други големи шампионски клубови, како Барселона, а и во ПСЖ, со што се покажува дека сепак се бара добар резултат и на европска сцена, а не само во домашната лига. Нема друго логично објаснување зошто би бил избркан тренер кој носи трофеј во силно првенство.
