Милан се израдува на првата победа во новата сезона во Серија А, а еден од креаторите на триумфот беше Лука Модриќ. Ветеранот кој летово дојде меѓу Росонерите, го одигра целиот меч, а асистираше за првиот погодок, што го постигна Лофтус-Чик.
Се играше 66 минута кога беше досуден фаул за Милан, а Модриќ центрираше директно на гравата на Лофтус-Чик кој погоди за 1:0. Со ова, Модриќ стана најстариот фудбалер во Серија А што асистирал за погодок, откако се води статистиката во 2004 година. Хрватот има 39 години и 354 денови.
Голот со кој Милан поведе со 1:0 и го најави триумфот, може да го видите ТУКА.
По мечот, тренерот на Милан, масимилијано Алегри го пофали Модриќ.
„Со Модриќ на теренот, кој е шампион и надвор од него, секогаш е многу полесно. Во првото полувреме игравме на долги топки, а во второто вариравме. Ова е добра победа против солидниот тим на Лече. Направивме чекор напред, не само затоа што не примивме гол, туку и затоа што се подобривме во повеќе елементи од играта“, задоволно коментираше Алегри.
