Корентин Толисо ќе биде надвор од фудбалските терени околу три месеци откако ги скина лигаментите на тетивата, објавија од Баерн Минхен.
Толисо се повреди на тренинг и неговото отсуство ќе биде хендикеп за амбициите на Баерн Минхен да ги одбрани титулите во Лигата на шампионите и во германското првенство.
„Жал ми е за Коко. Повредата е тешка и ќе мораме да играме без него во следните три месеци. Ќе му помогнеме што побрзо да закрепне и ја има нашата целосна поддршка“, изјави Ханси Флик, тренерот на Баерн.
Баварците влегуваат во клучниот период на сезоната, кога следува завршницата на Лигата на шампионите и на германското првенство и нема да можат да сметаат на францускиот ас во походот на двете шампионски круни, чии владетели се во моментов.