Голден стејт вориорс стигна до првата победа на гостински терен откако славеше на теренот кај Хјустон со 127:120. Актуелниот шампион очајно стартуваше на туѓ терен и имаше осум порази по ред, за конечно утрово да се радува.
Клеј Томпсон и Стеф Кари беа предводниците на победничкиот тим и заедно постигнаа 74 поени. Томпсон беше незадржлив за три поени и даде 10 тројки (на крајот заврши со 41 поен), а Кари седум пати погоди од зад линијата која означува три поени, а на крајот заврши со 33 поени, а имаше и 15 асистенции.
Лука Дончиќ и неговиот Далас загубија дома од Денвер, кој беше без Никола Јокиќ. Словенецот го одигра најслабиот меч сезонава и на крајот заврши со 22 поени, девет скока и осум асистенции, а го промаши шутот од половина терен кој можеше да му донесе победа на Далас.
Резултати: Феникс – Њујорк 116:95, Сакраменто – Детроит 137:129, Вашингтон – Шарлот 106:102, Кливленд – Мајами 113:87, Хјустон – Голден Стејт 120:127, Бруклин – Мемфис 127:115, Далас – Денвер 97:98, ЛА лејкерс – Сан Антонио 123:92.