Германскиот фудбалер кој го носи дресот на Реал Мадрид, Тони Крос, не се согласува со кратење на платите на играчите, како што го прават тоа повеќето клубови, и даде предлог кој досега не беше слушнат.
„Намалувањето на платите е како празен подарок, Со ова само се полнат касите на клубовите и не се придонесува за помош на најзагрозените. Јас сум за исплаќање на целата сума, а потоа секој фудбалер да прави разумни работи со неа. Сите да помогнат таму каде што е неопходно. Има многу места на кои има потреба од помош“, рече Крос.
Реал Мадрид засега не им ги намалува платите на своите фудбалери и останати вработени, но ако кризата и паузата во лигата потраат, веројатно и Кралскиот клуб ќе се солидаризира и ќе биде принуден на таков чекор.
