Фудбалерот на Реал Мадрид, Тони Крос, на социјалните мрежи имаше интересна објава. Откако неговиот пријател Штефен Баумгарт стана тренер на германскиот второлигаш Хамбургер, Крос рече дека ќе треба да почне да навива за нив иако од порано е познато дека не ги сака.
„Сега станувам фан на Хамбург, се оддалечувам од верата… Сè најдобро Бауми“, напиша Крос на „Икс“ (поранешен „Твитер“).
Крос во минатото има изјавувано дека не го сака Хамбургер и дека и Пеп Гвардиола да им биде тренер, не би влегле во Бундеслигата.
Некогашниот европски првак Хамбургер, кој во 2018 година првпат испадна од Бундеслигата, уште не може да се врати во елитното германско друштво, а моментно е трет во Цвајта.
