Торонто репторс славеше на гостувањето кај шампионот Голден стејт вориос со 113:93 во дербито на вечерта во НБА. Бранителот на титулата, немоќен пред своја публика, го претрпе третиот пораз на домашен терен, а Репторси и без Кавај Ленард, но со расположените Лаури и Ибака, ја забележаа 23-тата победа.
Ниту 30-те поени на Кевин Дурант не можеа да го спречат налетот лидерот на Истокот. Стеф Кари забележа скромни 10 поени. Предводниците на Торонто, Кајл Лаури заврши со дабл-дабл учинок од 23 поени и 12 асистенции, а дабл-дабл оствари и Серж Ибака, 20 поени и 12 скока.
Во дуелот на новаците, Лука Дончиќ со својот Далас маверикс го совлада тимот на Атланта хокс предводен од Треј Јанг со 114:107. Далас го забележа третиот последователен триумф, вкупно 15-ти сезонава, додека Атланта останува на дното во Источната конференција, само со шест победи и 21 порази.
Словенечкото чудо повторно блескаше на паркетите, постигна дабл-дабл учинок од 24 поени и 10 скока, додека плејмејкерот на „соколите“ заврши со еднаков број поени како и неговиот ривал, а додаде и 10 асистенции.
Резултати НБА:
Голден стејт вориорс – Торонто репторс 93:113
Шарлот хорнетс – Детроит пистонс 108:107
Кливленд кавалирс – Њујорк никс 113:106
Индијана пејсерс – Милвоки бакс 113:97
Филаделфија севентисиксерс – Бруклинс нетс 124:127
Вашингтон визардс – Бостон селтикс 125:130(по продолжение)
Мемфис гризлис – Портланд трејблејзерс 92:83
Њу Орлеанс пеликанс – Оклахома сити тандер 118:114
Далас маверикс – Атланта хокс 114:107
Јута џез – Мајами хит 111:84
Сакраменто кингс – Минесота тимбервулвс 141:130
