Младиот напаѓач на Работнички, Давид Тошевски потпиша петгодишен договор со рускиот клуб Ростов, а трансферот е милионски и еден од најскапите во последно време кога се работи за македонски фудбалер.
Тошевски има 18 години и игра одлично, со што го привлече вниманието на познати клубови, меѓу нив и француски Лил, но Русите беа поконкрентни и успеаја да го доведат во своите редови.
„Му посакуваме добредојде на Тошевски и се надеваме дека ќе има блескави настапи во жолто-синиот дрес“, објавија од Ростов.
Новата екипа на Тошевски моментно е на четвртото место во најсилното руско првенство со шанси да стаса и до едно од првите 3 места што водат во Лигата на шампионите.