Фудбалерите на Крузеиро и Атлетико Минеиро ноќеска го одиграа финалето на шампионатот на бразилската сојузна држава Минеиро, натпревар кој беше обележан со голема тепачка меѓу играчите на теренот.
Крузеиро славеше со минимални 1:0 благодарение на голот на Кајо Жорже, кој во 60-тата минута го постигна решавачкиот погодок по асистенција на Жерсон. Сепак, она за што најмногу се зборува се случи во судиското продолжение.
Тогаш настана целосен хаос на теренот и масовна тепачка меѓу фудбалерите, по дуел меѓу голманот на Атлетико Минеиро и напаѓач на Крузеиро.
Acho que esse aqui foi o maior porradeiro que o futebol brasileiro presenciou na era moderna KKKKKKKKKKKKKKKKK
kaio Jorge gingando pro vento
Gerson com sua malandragem de cria da baixada
Lyanco fala muito e entrou na ripa
Hulk não sabia de onde tava tomandoKKKKKKKKKKKKKKKKKK… pic.twitter.com/eD1FWlNJ6P
— Dreyke (@udreyke) March 8, 2026
Напаѓачот на Крузеиро, Кристијан, падна преку голманот на гостите Евeрсон откако тој прв стигна до топката. Потоа Евeрсон застана врз него и го удри со колена во главата.
Тоа предизвика вистинска гужва пред голот на Атлетико Минеиро, по што играчите започнаа тепачка.
Посебно внимание привлече и срамниот потег на искусниот напаѓач Халк, кој настапува за Минеиро – тој одзади со тупаница во главата го удри Лукас Ромеро.
Cenas inacreditáveis no Mineirão. Agressões, chutes, socos. Jogo termina por conta da confusão. pic.twitter.com/Bl5v1u4sWH
— André Frehse Ribas (@Andre_Frehse) March 8, 2026
Она што е најневеројатно во целиот инцидент е фактот дека ниту еден фудбалер во целиот хаос не доби црвен картон.
Сепак, се очекува дисциплинските органи дополнително да изречат голем број казни и суспензии за играчите од двата тима.
Инаку со оваа победа Крузеиро стана шампион на сојузната држава Минеиро.
