Рафаел Надал ја одбрани титулата на Ролан Гарос, поточно ја освои по рекорден 13-ти пат во кариерата со доминантната победа над Новак Ѓоковиќ со 3-0 во сетови (6-0, 6-2, 7-5). Надал во својот 102 меч на француското Отворено првенство ја запиша јубилејната 100-та победа, по која стигна до 20-тиот гренслем трофеј и се израмни на врвот на листата со Роџер Федерер.
Is it possible for tennis to be too much fun? 🤔@RafaelNadal #RolandGarros pic.twitter.com/wW01bNE5VS
— Roland-Garros (@rolandgarros) October 11, 2020
Надал по седми пат го освои Ролан Гарос без загубен сет во финалето, откако претходно го стори тоа на двапати против Сорелинг, еднаш против Федерер, Вавринка, Тим и Ферер. Инаку по третпат го совлада Ѓоковиќ во мечот за титула, а првиот светски рекет останува на еден трофеј во Париз.
Right when you least expect it..@RafaelNadal #RolandGarros pic.twitter.com/hrRZ2aejAx
— Roland-Garros (@rolandgarros) October 11, 2020
Фуризониот старт на Надал му обезбеди лесно освојување на првиот сет со 6-0 по три брејка и при тоа ја искористи првата сет-топка. Ѓоковиќ едвај освои два гема во вториот сет, не можеше никако да му парира на расположениот Шпанец кој речиси да немаше грешка на средбата.
Во третиот сет Новак даде повеќе отпор, откако со брејк израмни на 3-3, успеа да поведе со 5-4, меѓутоа Надал беше неприкосновен и ги освои наредните три гема и со 7-5 го реши мечот.
🏆🏆🏆🏆🏆🏆🏆🏆🏆🏆🏆🏆🏆@RafaelNadal conquers Novak Djokovic 6-0 6-2 7-5 to remain perfect in Paris finals and earn title 1️⃣3️⃣ at #RolandGarros pic.twitter.com/lzOz5dmoqQ
— Roland-Garros (@rolandgarros) October 11, 2020
