Тотенхем не можеше и по третпат да се спаси, Бернард му ги скрати маките на Мурињо (видео)

Евертон ќе игра во четвртфиналето од ФА купот по големата победа од 5-4 против Тотенхем во сензационалниот натпревар кој се одигра во синиот дел од Ливерпул.

Голеадата од девет погодоци заврши по 120 минути и му припадна на составот кој го предводи Карло Анчелоти, а посакуваниот триумф го донесе Бернард во седмата минута од дополнителните 30.

https://twitter.com/EmiratesFACup/status/1359630076120190979

Вистинска драма се случуваше во регуларните 90 минути, во кои паднаа дури осум гола, односно пет во првото полувреме по кое Евертон замина со водство од 3-2 на паузата. Петлите на двапати се враќаа во игра, за 3-3 и потоа за 4-4, но тоа беше максимумот од избраниците на Мурињо.

Претходно Лестер со минимални 1-0 триумфираше против Брајтон, а со идентичен резултат победи и Шефилд јунајтед против Бристол сити.