Жозе Мурињо неодамна најави дека Тотенхем ќе атакува на освојување на титулата во Лигата на Европа. Лондонскиот тим вечерва во првиот меч од осминафиналето е домаќин на Динамо Загреб. Според обложувалниците, Тотенхем е голем фаворит за победа, а според најавитем, англискиот премиерлигаш нема да биде во најсилен состав.
Англиските медиуми предвидуваат дека двајцата најдобри играчи на Тотенхем, Хаји Кејн и Јужнокорејецот Сон, ќе бидат на клупата за резерви. Влијателниот весник „Индепендент“ предвидува дека Тотенхем ќе игра во формација 4-2-3-1, со Винисиус како единствен класичен напаѓач, а Ламела, Бергвијн и Али како дел од офанзивниот ред во средината.
Динамо во претходното коло на два пати славеше против Краснодар, а хрватскиот шампион во последните 20 меча во сите натпреварувања има 17 победи, едно реми и само два порази. Според најавите, во стартниот тим на Модрите ќе бидат двајцата македонски репрезентативци. Стефан Ристовски во бековската линија, а Аријан Адеми како капитен на Динамо треба да биде „моторот“ на гостинскиот тим.
Дуелот започнува во 21 часот во Лондон.