Легендата на Рома, Франческо Тоти, тврди дека Антонио Конте и Масимилијано Алегри „веќе потпишале за други клубови“, и ниту еден од нив нема да го наследи Клаудио Раниери кој ќе ја води Волчицата само до крајот на сезонава.
Рома е во потрага по нов постојан главен тренер кој ќе го замени Раниери, а листата на желби е долга и на неа се: Алегри, Конте, Роберто Манчини, Џан Пјеро Гасперини, Стефано Пиоли, Патрик Виеира, Сеск Фабрегас, Винченцо Монтела, Роберто де Ѕерби, Франческо Фариоли и Нуно Еспирито Санто.
Голем број од нив веќе инсистираа дека се среќни во своите сегашни клубови, а Тоти ги отфрли и Конте и Алегри бидејќи според него, двајцата „веќе потпишале за различни клубови“ пред сезоната 2025-26.
Конте моментално има договор со Наполи до летото 2027 година, но се поврзува со враќање во Јувентус. Алегри моментално е без работа откако го напушти Јувентус на крајот од минатата сезона, а тој треба да го преземе Наполи во случај сегашниот тренер Конте да замине во Јуве.
„Тие двајца тренери веќе потпишаа за други тимови, па ниту еден од нив не“, одговори Тоти за „Скај спорт Италија“ кога беше прашан дали би сакал Конте или Алегри да ја преземат Рома ова лето.
