Секоја серија има свој почеток и крај, а вечерва дојде крајот на една неверојатна серија. Екипата на Фенербахче оваа сезона имаше 19 победи на исто толку натпревари во сите натпреварувања, а за да дојдат до јубилејната 20-та ги спречи Трабзонспор, екипата во која настапува нашиот репрезентативец Енис Барди, кој вечерва не доби шанса да се најде на теренот ниту минута.
Трабзонспор беше поуспешен со 2-3 и тоа на гостински терен во Истанбул, откако претходно дојде до убедливи 0-3, а домашните намалија на 2-3 со два гола од пенал кои беа дело на Душан Тадиќ.
