Трабзон жестоко казнет поради инцидентот, фудбалерот на Фенер што тепаше навивачи без никаква санкција

Фудбалската федерација на Турција конечно ги донесе одлуките за хаосот кој се случи по завршувањето на мечот меѓу Трабзон и Фенербахче, кога навивачи на домашниот тим ги нападнаа гостинските играчи.

Фенербахче победи, а незадоволните фанови на Трабзон втрчаа на теренот и го прекинаа славењето на гостите, сакајќи да се тепаат со нив. Неколку фудбалери на Фенербахче добија по некој удар, а најлошо помина голманот Доминик Ливаковиќ, кој беше удрен со бокс во главата.

Поради овој инцидент, Трабзон во следните шест меча на домашен терен ќе игра без присуство на навивачи, а овој клуб ќе треба да плати и околу 90.000 евра поради слабата организација. Фудбалерите Остерволде и Ирфан Кан се суспендирани на по еден меч, а интересно е дека гостинскиот фудбалер Брихт Самуел нема казна иако се тепаше со навивачите на Трабзон. Од Федерацијата сметаат дека Самуел морал да се тепа во самоодбрана и затоа нема да добие казна.

ПОВРЗАНИ ВЕСТИ

ОСТАВИ КОМЕНТАР

Внесете го вашиот коментар!
Внесете го вашето име тука

- Оглас -

Најнови вести