Фудбалска Франција е во шок, денеска во неговиот дом пронајден е мртов клупскиот доктор на Ремс, Бернар Гонзалес. Лекарот кој беше на 60-годишна возраст, извршил самоубиство, а француските медиуми пишуваат оти тој имал коронавирус, и од пред неколку дена бил под карантин заедно со сопругата.
Од Ремс потврдија дека Гонзалес е мртов, но шокот и кај нив е огромен, па уште нема официјално соопштение што се случило и која е причината за одземањето на животот. Докторот ова го направил намерно, бидејќи оставил и проштално писмо, во кое ги објаснил причините.
