Репрезентативецот на Јужна Африка, Лук Флерс, е убиен во Јоханесбург, во моменти кога засега неидентификувани напаѓачи го нападнале со цел да му го украдат автомобилот.
Нападот се случил вчера на бензиска пумпа во Јоханесбург, и тоа кога Флерс чекал да наточи гориво. Вооружените напаѓачи му наредиле да го предаде возилото и пред да заминат, истрелале неколку куршуми во фудбалерот, кој починал од здобиените повреди.
It is with a great deal of sadness that we announce that Kaizer Chiefs player, Luke Fleurs tragically lost his life last night during a hijacking incident in Johannesburg.
Our thoughts and prayers are with his family and friends at this difficult time.
The SAPS are handling… pic.twitter.com/4CTCiH1I41
— Kaizer Chiefs (@KaizerChiefs) April 4, 2024
„Осомничените впериле оружје во него и го извадиле од возилото, а потоа пукале во горниот дел од телото“, стои во соопштението на полицијата во Јоханесбург.
Лук Флерс беше член на еден од најдобрите и најтрофејните клубови во Јужна Африка, Кајзер чифс. Кариерата ја започна во Убунту Кејптаун, а потоа играше и за Супер спорт јунајтед. Флорс беше член и на репрезентацијата на Јужна Африка, за која настапи на Олимписките игри во Токио 2021 година.
