Во градот Верхњаја Пишма во регионот Свердловск во Русија, двајца футсал играчи, 32-годишниот Јан Журавлев и 33-годишниот Данил Хилобок, кои играа за локалниот аматерски тим ПОЗ-Прогрес, починаа од срцев удар истиот ден, и тоа додека спиеле.
Двајцата спортисти починале ноќта помеѓу 15 и 16 февруари.
Мајката на Журавлев изјавила дека вечерта пред неговата смрт, нејзиниот син, како и обично, се вратил од тренинг и отишол во кревет. Според неа, нејзиниот син не се жалел на неговото здравје и редовно тренинирал.
Има шпекулации дека футсалците починале поради труење од непозната супстанца, чии примероци биле испратени на вештачење, а според некои експерти, енергетските пијалоци кои ги пиеле пред тренинг можеле да предизвикаат акутна срцева слабост.
Тие пијалоци ги забрзуваат отчукувањата на срцето, но потоа отчукувањата опаднале до критична точка за време на спиењето по физичкиот напор.
