Александар Трајковски со бомба во 90-тата минута ја шокира Италија и Македонија ќе игра финален бараж за пласман на Светското првенство.
Италија напаѓаше, редеше шанси, но ние победивме со 1-0.
Во второто полувреме, прв што се закани по македонскиот гол беше Берарди, кој во 53-тата минута упати опасен шут, но топката заврши малку покрај стативата. Пет минути подоцна, Муслиу извиси, а Берарди се најде сам на 15-тина метри од Димитриевски, но, за среќа, шутна над пречката.
Италија често се закануваше, Алиоски спаси гол кога Берарди прими топка во близина на голот. Во 85-тата минута, Пелегрини беше во добра ситуација во нашиот 16-ник, опасно нафрли, а топката беше исфрлена во корнер.
Пред крајот на регуларните 90, во игра кај Италија влезе и ветеранот Кјелини, кој бурно беше поздравен.
Но, брзо потоа, замолкнаа 35.000, а се радуваа 1.000 Македонци. Последната шанса за Италија беше во 95-тата.
TRAJKOVSKI SCORES THE GOAL TO KNOCK ITALY OUT OF THE WORLD CUP!! #WCQ2022 pic.twitter.com/cJOdhcJDi5
— ُ (@Asensii20) March 24, 2022
