Вечерва нешто после полноќ во Њу Орлеанс ќе започне 59-тиот Супербоул, натпревар за титула во НФЛ лигата во американски фудбал.
Мечот може да биде историски, доколку победи Канзас Сити чифс, овој тим ќе стане првиот во историјата со три титули по ред. Противник им е Филаделфија иглс кој има само една титула досега, во 2017 година, а преклани загуби Супербоул токму од Канзас сити и ќе се обиде да се реваншира.
Ова е спектакл кој го гледаат речиси сите во САД, а годинава може гледаноста да ги урне сите рекорди и поради нешто друго. За првпат во историјата, на стадионот каде се игра Супербоул во живо ќе биде присутен актуелен американски претседател, во случајов Доналд Трамп, па мерките за безбедност ќе биде незапамтени.
Во ложата ќе биде и моментно најпопуларната пејачка во САД, Тејлор Свифт, која е девојка на ѕвездата на Чифс, Тревис Келси. Пејачката за време на кампањата пред изборите, отворено застана на страна на Камала Херис, која му беше противкандидат на Трамп, па Трамп имаше и провокативни објави против Свифт.
Објавено е дека на полувремето публиката ќе ја забавува раперот Кендрик Ламар, кој истотака е миленик на Демократите, а не на Републиканците на Трамп.
