Управата на Реал Мадрид уште сега започна да се подготвува за летниот преоден рок во 2024 година кога главна мета ќе им биде Килијан Мбапе, но и еден од најбрзите фудбалери на светот. Станува збор за канадскиот репрезентативец Алфонсо Дејвис кој игра за Баерн Минхен.
Планот на претседателот на Реал Мадрид, Флорентино Перес е идното лето на Баерн да му понуди највеќе 50 милиони евра отштета.
Актуелниот договор на Дејвис со Баерн истекува во 2025 година, но управата на германскиот шампион планира наскоро да започне преговори за нов договор кој доколку биде потпишан – ќе пропадне планот на Перес.
