Челниците на Реал Мадрид и Манчестер јунајтед имале разговори за евентуален трансфер на Пол Погба. Според шпекулациите од Англија, двете страни првично се договориле за трансфер вреден околу 170 милиони евра.
Првите луѓе на Реал се во Лондон за да го официјализираат трансферот на Еден Азар, кој доаѓа од Челзи за сума од 100 милиони евра. Сепак, престојот во Лондон бил искористен и за контакт со првите луѓе на „црвените ѓаволи“ и евентуалното доаѓање на Погба на „Сантијаго Бернабеу“.
Сепак, за да се реализира и евентуалниот трансфер на Погба, Реал во брзо време ќе мора да почне и да продава фудбалери. Пресметките се дека Кралскиот клуб треба да собере најмалку 300 милиони евра од продадени играчи за да нема проблем со финансискиот фер плеј кој го има воведено УЕФА.
