Требаше да биде спектакл, но испадна дебакл дебито на Расел Вестбрук за Лос Анџелес лејкерс. Новиот бек на најтрофејнито клуб во НБА лигата и голема кошаркарска ѕвезда го одигра првиот меч за Лејкерси и постигна само два поени, а имаше дури шест загубени топки за нешто помалку од 18 минути игра.
Голден стејт вориорс славеа со 121:114 во подготвителен меч пред сезоната што треба да почне за една седмица. Вестбрук е големото засилување на Лејкерси, но почетокот му беше лош, за негова среќа сепак на пријателски меч.
Russell Westbrook works into the paint for his first @Lakers bucket of the #NBAPreseason! pic.twitter.com/CMCZlJeg3k
— NBA (@NBA) October 9, 2021
Кај Воините блескаше Стефон Кари со 30 поени, а Пул постигна 28. Кај гостите од Лос Анџелес најефикасен беше Двајт Хауард со 23 поени и имаше и 12 скока.
Леброн Џејмс имаше речиси идентична минутажа како и Вестбрук и постигна 9 поени. За Лос Анџелес лејкерс не играше третата голема ѕвезда Ентони Дејвис кој е повреден.
