Само уште неколку часа остануваат до почетокот на дуелот во Рига меѓу Летонија и Македонија, во рамките од третото коло во Лигата на нации. Македонија ја има улогата на фаворит, но тоа треба да се докаже на терен.
Селекторот на Македонија, Благоја Милевски се соочува со нови проблеми, откако поради вирус, јасно е дека нема да може да смета на Бојан Димовски. Дефанзивецот бил во план да биде стартер против Летонија, но поради вирус нема да биде подготвен, иако денеска примал и инфузија.
Македонија и Летонија досега играле три пати и во сите три натпревари победувала нашата репрезентација.
