Тренерите на 30-те екипи во НБА-лигата ги избраа резервите за олстар-натпреварот кој ќе се игра во Индијанаполис.
Секој тренер во НБА-лигата гласаше за седуммина кошаркари од својата конференција, за два бека, три крила и центар и за уште двајца играчи од која било позиција, но смееја својот глас да го дадат за играч од тимот кој го тренираат.
Доколку некој играч се повреди, тогаш неговата замена ќе ја одреди комесарот на НБА-лигата, Адам Силвер.
⭐️The 2024 NBA All-Stars ⭐️ pic.twitter.com/aKeSTMBYPX
— NBA Communications (@NBAPR) February 2, 2024
Во Источната конференција на стартерите на натпреварот на сите ѕвезди, Јанис Адетокумбо, Џоел Ембид, Тајрис Халибуртон, Дамиен Лилард и Џејсон Тејтум им се приклучија Бам Адебајо, Паоло Банкеро, Џејлен Браун, Џејлен Бронсон, Тајрис Макси, Донован Мичел и Џулиус Рендл.
Никола Јокиќ, Леброн Џејмс, Лука Дончиќ, Шеј Гилџес-Александер и Кевин Дурант ќе бидат стартери за Западната конференција, а резерви се Стеф Кари, Ентони Дејвис, Девин Букер, Ентони Едвардс, Пол Џорџ, Каваи Ленард и Карл-Ентони Таунс.
Олстар-натпреварот ќе се игра на 18 февруари во Индијанаполис.
