Управата на Унион Берлин и тренерот Урс Фишер спогодбено го раскинаа договорот, со што заврши најуспешната ера во историјата на германскиот бундеслигаш.
Унион Берлин, кој минатата сезона беше вистински хит во Германија и обезбеди пласман во Лигата на шампионите, сезонава игра очајно и во 16 меча во сите натпреварувања оствари само две победи, едно реми и дури 13 порази, од кои девет беа во низа.
https://twitter.com/FabrizioRomano/status/1724723344824754345?ref_src=twsrc%5Etfw%7Ctwcamp%5Etweetembed%7Ctwterm%5E1724723344824754345%7Ctwgr%5Ea3bc2c1ea14371132e10a8c7cae13710aad4dc97%7Ctwcon%5Es1_&ref_url=https%3A%2F%2Fsportklub.n1info.rs%2F%3Fp%3D15241250
Унион Берлин моментно се наоѓа на последното место на табелата само со шест освоени бода, а во Лигата на шампионите по четири кола, освои само еден бод.
Фишер на клупата на Унион Берлин седна во 2018 година и веднаш во првата сезона го внесе тимот во Бундеслигата. Во сезоната 2020/21 обезбеди пласман во Лигата на конференции, наредната во Лигата на Европа, а минатата сезона и во Лигата на шампионите.
