Управата на Феникс санс одлучи нов тренер на Сонцата да биде Френк Вогел, објави новинската агенција Асошиејтед прес.
Вогел во својата кариера беше тренер на Индијана пејсерс, Орландо меџик и Лос Анџелес лејкерс и токму со Езерцата во 2020 година ја освои титулата, која е 17-та во клупската историја. Токму ЛА Лејкерс и Бостон селтикс се екипи со највеќе шампионски титули во НБА.
BREAKING: The Phoenix Suns and Frank Vogel are finalizing a five-year, $31 million contract to make him the teams next head coach. pic.twitter.com/tqJMpjwn7c
— PHNX Suns (@PHNX_Suns) June 2, 2023
Вогел во досегашната тренерска кариера има скор од 431 победа и 389 порази во регуларниот дел, додека во плејофот има учинок од 49 победи и 39 порази.
Феникс санс во 55-годишната историја, нема шампионска титула, а сезонава иако во тимот има ѕвезди како Кевин Дурант, Девин Букер и Крис Пол, беше елиминиран од Денвер нагетс во полуфиналето на Западната конференција.
